Flúðaskóli - Flúðaskóli
In order to view this page you need Flash Player 9+ support!
Flúðaskóli
Skógardagar
Föstudagur, 24. maí 2013 09:21
Skógardagar standa nú yfir en þá er unnið að margvíslegum verkefnum í skóginum. Í gær miðvikudag voru elstu börnin í leikskólanum ásamt 1. og 2. bekkingum fyrir hádegi í skóginum og eftir hádegi voru 7. bekkingar ásamt 7. bekkingum Þjórsárskóla við leik og störf í skóginum. Auk þess fengum við heimsókn frá leikskólakennurum og grunnskólakennurum frá Selfossi sem fylgdust með allan daginn og þá kom einnig einn kennari frá Austurbæjarskóla og var með okkur í skóginum fyrir hádegi. Í dag eru það svo 6. og 8. bekkur sem eru úti í skógi á mánudaginn fara 3. - 5. bekkingar svo í skóginn. Verkefnin í skóginum eru margvísleg og fléttast saman fræðsla, líkamsrækt og stígagerð.
Við erum stolt af því hvað útikennsla í skólanum okkar vekur mikla athygli og að aðrir skólar skuli vilja taka okkur sér til fyrirmyndar í þeim efnum.
Í dag föstudag eru litlu olympíuleikarnir hjá 1. - 5. bekk, þetta er þriðja árið sem þeir eru haldnir en því miður þurftum við að flytja þá inn í íþróttahús vegna mikils vatnsveðurs í dag. Engu að síður verður þetta örugglega skemmtilegur viðburður sem endra nær.
Skólarest
Föstudagur, 17. maí 2013 08:54
Í dag föstudag er fyrsta lokaprófið hjá 10. bekkingum og það þýðir að það er orðið mjög stutt eftir af þessu skólaári. Ýmiskonar uppbrot á hefðbundnu skólastarfi fylgir þessum dögum sem eftir eru. Nú hafa allir foreldrar fengið grófa áætlun um það sem framundan er og umsjónarkennarar senda heim nákvæmari dagskrá fyrir hvern hóp.
Skógardagar eru á dagskránni eins og undanfarin ár og núna verða elstu krakkarnir í leikskólanum með 1. og 2. bekkingum á skógardögum. Í ár verður lögð áhersla á ýmiskonar verkefni í skóginum en undanfarin ár höfum við oft blandað garðræktinni saman við skógardaga. Yngsta stigið hefur tekið matjurtagarðinn okkar í fóstur þetta árið og þau munu því sjá um að setja niður í hann þó ekki á skógardögum.
Veðrið hefur leikið við okkur undanfarið og spáin er góð fyrir næstu viku, þannig að okkur ætti ekki að vera að vandbúnaði að vera utandyra við ýmis verkefni.
Skólaslitin verða síðan 3. júní kl 14:00 í Félagsheimili Hrunamanna, þeir nemendur sem þurfa akstur láta viðkomandi bílstjóra vita.
Flúðaskóli og Zero bjóða foreldrum og öllum sem áhuga hafa á fyrirlestur í Félagsheimili Hrunamanna fimmtudaginn 2. maí kl 16:30
Þriðjudagur, 30. apríl 2013 09:11
Hanna Björg Vilhjálmsdóttir framhaldskólakennari og kynjafræðingur verður með fyrirlestur, fyrir foreldra og aðra áhugasama, í Félagsheimili Hrunamanna fimmtudaginn 2. maí kl. 16:30 – 17:30.
- Stráka- og stelpumenning.
- Erum við föst í bleikum og bláum boxum?
- Staðalmyndir og áhrif auglýsinga á sjálfsmynd okkar, viðhorf og væntingar.
- Klám og klámvæðing.
- Hver er veruleikinn?
- Hvað er í kláminu?
- Hvaða áhrif hefur klámið á okkur - bæði stelpur og stráka.
- Hvað er þessi klámvæðing?
- Hvaða áhrif hefur hún á okkur?
Allir velkomnir
Fleiri greinar...
Síða 1 af 77
Aðalvalmynd
Orðabækur
Námsvefir
Hagnýtt
 |