Flúðaskóli starfar í anda heilsueflandi skóla

Skipað hefur verið í stýrihóp til að innleiða heilsueflandi stefnu í Flúðaskóla. Hópinn skipa: Fríður Sæmundsdóttir, Halla Gunnarsdóttir, Ingibjörg Bjarney Baldursdóttir kennarar, Ólöf Guðnadóttir matráður, María Magnúsdóttir fulltrúi foreldra, Anna Dagbjört Styrmisdóttir, Ninna Ýr Sigurðardóttir og Þórdís Kristjánsdóttir fulltrúar nemenda. Ingibjörg Guðmundsdóttir frá Lýðheilsustöð kom til okkar í gær og var með undirbúningsfund með stýrihópnum og síðan var kynning fyrir starfsfólk skólans. Fyrsta verk stýrihópsins verður að fara yfir gátlista til að kanna stöðuna og forgangsraða þeim verkefnum sem framundan eru í þessu frábæra verkefni. Mjög margt sem við erum að gera hér í skólanum flokkast undir heilsueflingu en alltaf er hægt að bæta sig og er það stefnan að gera gott skólastarf enn betra.

Ég hvet alla til að smella á hnappinn um heilsueflandi grunnskóla, sem er á síðunni okkar, og kynna sér málið.