Vikuna 4. – 8. desember verður ,,Opinn skóli“ fyrir foreldra í Flúðaskóla eins og stendur á skóladagatalinu. 
Í samræmi við skólastefnuna viljum við tengja foreldra sem best við starfið okkar, því skorum við á foreldra að koma í heimsókn, þegar þeim hentar, og taka virkan þátt í starfinu með okkur. Við setjum upp þrjár leiðir fyrir foreldra sem allar ganga út á að sá sem kemur bóki sig á tíma hjá viðkomandi kennara eða skólastjórnendum. Umsjónarkennarar munu senda tilkynningu til foreldra ef einhverjir sérstakir viðburðir eru í gangi hjá viðkomandi bekk þessa viku.

Stuðningsfulltrúi:
Foreldri kemur í 40 mínútna kennslustund og er tilbúinn að aðstoða alla nemendur í bekknum í þeim verkefnum sem eru í gangi undir stjórn kennarans.

Kennari:
Foreldri kemur í kennslustund með fræðslu sem tekur 10-40 mínútur. Foreldrið skipuleggur kennsluna eftir sínu áhuga-, þekkingar- og reynslusviði.

Gæsla í frímínútum:
Foreldrar taka að sér að vera í gæslu í frímínútum:
Kl. 09:55 – 10:15: 8.-10. bekkur inni og 1. – 7. bekkur úti

Nú er næsta skref hjá foreldrum að skoða stundatöflu barnanna, velja sér tíma og senda póst á viðkomandi kennara með ósk um að fá að taka þátt í tímanum annað hvort sem stuðningsfulltrúi eða kennari. Þeir sem ætla að taka að sér gæslu senda póst á fludaskoli@fludaskoli.is
Við vonum að við sjáum sem flesta foreldra í Flúðaskóla, að sjálfsögðu eru allir bundnir trúnaði við það sem þeir sjá og heyra á skólatíma.

Kveðja

Starfsfólk Flúðaskóla